Erling Haaland ishte vendimtar në fitoren e Manchester City ndaj Crystal Palace, duke shënuar golin e vetëm të ndeshjes dhe duke i dhënë skuadrës së tij tre pikët, të cilat i lejojnë të vazhdojnë luftën për Premier League.
Pep Guardiola lavdëroi sulmuesin norvegjez në konferencën për shtyp pas ndeshjes dhe nuk hezitoi të thotë se Haaland ndihet i lumtur në Manchester, transmeton Klankosova.tv.
“Ai e shijon atë dhe mënyra se si i feston golat e tij tregon se sa i lumtur është këtu, sa të lumtur jemi me të dhe personalitetin që ka. Ai është një djalë i ri, duke marrë përgjegjësinë për penalltinë, me atë presion. Ishte e mrekullueshme”, ka thënë Guardiola.
The post Guardiola për Haaland: Mënyra se si ai feston golat tregon se sa i lumtur është te City appeared first on Klan Kosova.
