Dy vizitorë dhe dy roje sigurie janë vrarë në një sulm me armë pranë sinagogës më të vjetër të Afrikës, në ishullin tunizian të Djerbas.
Sulmi ndodhi gjatë një pelegrinazhi vjetor në ishull, i cili tërheq vizitorë hebrenj nga Evropa dhe Izraeli.
Një roje thuhet se vrau partnerin e tij përpara se të hapte zjarr ndaj vizitorëve dhe forcave të sigurisë pranë sinagogës përpara se të vritej vetë.
Motivimi i tij nuk ishte i qartë.
Një nga vizitorët e vrarë është një shtetas francez. Katër vizitorë të tjerë dhe pesë anëtarë të forcave të sigurisë u plagosën.
Nuk është e qartë nëse vizitorët ishin pelegrinët që vizitonin sinagogën Ghriba. Videoja e postuar në internet, e cila nuk është verifikuar në mënyrë të pavarur, tregoi vizitorët duke vrapuar ndërsa dëgjoheshin të shtëna me armë zjarri.
Më shumë se 5 mijë hebrenj morën pjesë në pelegrinazhin e vitit 2022 në Ghriba, raportoi agjencia e lajmeve AFP, duke cituar organizatorët lokalë, raporton BBC, transmeton Klankosova.tv.
Nuk është hera e parë që sinagoga 2500-vjeçare vihet në shënjestër.
Në vitin 2002, një sulm me bombë, të cilin e morën përgjegjësinë militantët islamikë të Al-Kaedës, vrau më shumë se 20 njerëz në ishull.
Pelegrinazhi vjetor në Djerba – rreth 500 kilometra nga kryeqyteti, Tunis – ka pasur siguri të forta që nga bombardimi.
Tunizia është një vend me shumicë myslimane, por Djerba është shtëpia e qindra hebrenjve.
*Klikoni KËTU për t’u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
The post Të shtëna vdekjeprurëse pranë sinagogës më të vjetër në Afrikë appeared first on Klan Kosova.
