Lista Serbe u ka bërë thirrje serbëve në Zveçan dhe në veri që të mos e rrezikojnë jetën e ushtarëve të misionit të NATO-së, KFOR.
Kjo deklaratë vjen pasi pjesëtarë të Listës Serbe kanë shkuar afër objektit të Komunës së Zveçanit pas raportimeve në media për një mjet shpërthyes ndaj ushtarëve të KFOR-it.
“Përfaqësuesit e Listës Serbe janë nisur menjëherë në vendngjarje dhe në një bisedë me përfaqësuesit e KFOR-it në terren kanë marrë vesh se me shumë mundësi ishte një fishekzjarr”.
“Lista Serbe u bën thirrje qytetarëve që të mos rrezikojnë sigurinë e ushtarëve të KFOR-it, sepse kushdo që e bën këtë punon kundër interesave të qytetarëve serbë”, thuhet në njoftimin e Listës Serbe.
The post Lista Serbe, protestuesve: Mos i rrezikoni ushtarët e KFOR-it appeared first on Klan Kosova.
