Ardian Shala është zgjedhur kryetar i Lidhjes Demokratike të Kosovës, dega në Suharekë.
Kryetari i LDK-së, Lumir Abdixhiku tha se 1 mijë e 56 anëtarë ishin pjesëmarrës në procesin zgjedhor në Suharekë, përcjell Klankosova.tv.
Tutje, përmes një postimi në Facebooj, ai u shpreh se Istogu, Fushë Kosova e Dragashi, janë tri kuvendet e ardhshme.
“1056 anëtarë pjesëmarrës në procesin tonë zgjedhor në Suharekë. Doktori, Ardiani, u zgjodh kryetar për mandatin e ardhshëm katër vjeçar. Atë, gjithë ekipin e zgjedhur sot me në një proces krejtësisht demokratik, i uroj për besimin e marrë. Le të shërbejë ky besim si përgjegjësi”.
“Teksa po i afrohemi përmbylljes së zgjedhjeve në 40% të degëve tona, s’kam se si mos të shpreh edhe kënaqësinë por edhe mirënjohjen për plot 17,247 anëtarë që deri më tani kanë marrë pjesë në zgjedhjet tona të brendshme. Me këtë ritëm, me kaq shumë pjesëmarrje, po i afrohemi një numri vërtetë impresiv. Ky angazhim, përveç se shprehje e denokracisë, tregon veçmas dhe për mobilizimin e anëtarësisë. Istogu, Fushë Kosova e Dragashi, tre Kuvendet e ardhshme”, thuhet në shkrimin e Abdixhikut.
Rrini të informuar mbi zhvillimet kryesore duke u bërë pjesë e komunitetit tonë në Viber.
BONUS: Merreni aplikacionin tonë në Android dhe iOS.
The post Lidhja Demokratike e Kosovës zgjedh kryetarin e degës së Suharekës appeared first on Klan Kosova.
