Kurti do peticion, jo dorëheqje të kryetarëve veriorë

Bojkoti i votuesve e i kandidatëve s’dëshiron të përsëritet.

Andaj, kryeministri Albin Kurti këmbëngul që në zgjedhje të reja në katër komunat e veriut duhet të shkohet me peticionin, draft-udhëzimin e të cilit po e diskuton një grup punues.

Me të për largimin e kryetarëve aktualë kërkohet vota e 20 përqind të elektoratit.

Votimet e reja janë ndër pikat e planit për depërshkallëzim të situatës në veri, për të cilin shefi i ekzekutivit thotë se po punojnë.

Këtu përmend zvogëlimin e pranisë policore në tri ndërtesat komunale, dy herë nga 25 përqind. Prandaj, Kurti kërkon largimin e masave evropiane ndaj Kosovës.