Nga këtu e tutje, 18 gushti do të jetë një ditë shumë e gëzueshme për Jose Ervin Jr dhe familjen e tij. Atë ditë është ditëlindja e 31-vjeçarit dhe e fejuarës së tij, Scierra Blair. Mirpo tani jo vetëm e tyre por edhe ditëlindja e binjakëve të tyre të porsalindur.
Jose Ervin III lindi në orën 12:35 të mëngjesit, dhe motra e tij, A-ria, lindi në orën 12:36 të mëngjesit më 18 gusht 2023. Binjakët jo identikë peshonin pak më shumë se 5 kilogramë në një spital në Ohajo.
“Është një ëndërr e realizuar, sinqerisht”, tha Ervini për televizionin FOX.
“Ishte shumë unike dhe është një bekim sinqerisht. Nuk e dija se çfarë do të bëja për ditëlindjen time. Thjesht thashë se doja një dhuratë të mirë dhe Zoti më dërgoi fëmijët e mi në ditëlindjen time.”
”Mjekët donin t’i lindnin foshnjat natën e 17 gushtit. Por më pas çifti dhe mjekët ranë dakord të prisnin mesnatën e 18 gushtit për të kryer procedurën, duke lejuar që e gjithë familja të kishte të njëjtën ditëlindje. Ervini tha se çifti nuk menduan se ndarja e ditëlindjeve me fëmijët e tyre ishte një mundësi kur mësuan për herë të parë shtatzëninë”.
”Por ndërsa data u ngushtua për lindjen e binjakëve, Ervini tha se ishte kur e kuptoi se mundësia ishte e arritshme. “Dhe do të jetë çmenduri nëse ata vijnë në ditëlindjet tona”, i tha Ervini më parë Blair.Babai tha se ditëlindjet “do të jenë një zhurmë nga këtu e tutje”, duke shtuar “Nuk do të jetë gjë tjetër veçse dashuri dhe argëtim që këtu e tutje”.
The post Binjakët nga Ohajo gëzojnë të njëjtën datë lindjeje me prindërit e tyre appeared first on Klan Kosova.
