Grupi militant libanez Hezbollah tha se nisi një sulm ndaj pozicioneve izraelite në fermat Shebaa, një pjesë toke e diskutueshme midis Libanit dhe Sirisë, ngjitur me Lartësitë Golan, nën kontrollin izraelit, të shtunën.
“Në orën 15:15 të së shtunës, 14 tetor 2023, grupe nga Rezistenca Islamike sulmuan pozicionet sioniste në fermat e pushtuara libaneze Shebaa”, thuhet në deklaratë.
Hezbollahu tha se lëshoi raketa të drejtuara me saktësi dhe raketa mortajash në pozicionet në al-Radar, Rousiyat al-Alam, al-Samaqa, Zibdeen dhe Ramtha, raporton CNN, transmeton Klankosova.tv.
Granatimet kishin vazhduar për më shumë se një orë dhe ishin ende në vazhdim që nga ora 9:20 e mëngjesit.
Në deklaratën e tij, Hezbollah i përshkroi sulmet si “goditje të sakta dhe të drejtpërdrejta”.
The post Grupi militant Hezbollah sulmon pozicionet izraelite pranë kufirit libanez appeared first on Klan Kosova.
