Ministri për Komunitete dhe Kthim, Nenad Rashiq ka reaguar pas vendimit të djeshëm të Qeverisës ë Kosovës për zgjatjen e afatit të regjistrimit të veturave me targa ilegale deri më 1 dhjetor.
Ai në një postim në Facebook shkruan se ky vendim vjen pas kërkesave të shumta të qytetarëve nga veriu i vendit.
“Ky vendim i Qeverisë vjen pas kërkesave të shumta të qytetarëve kryesisht nga veriu i Kosovës, dhe si i tillë është një tjetër dëshmi e pragmatizmit të punës sonë, në përputhje me nevojat e bashkëqytetarëve tanë”, shkruan Rashiq, transmeton Klankosova.tv.
Vendimi i ekzekutivit që u mor të hënën parasheh që pas datës 1 dhjetor , pronarëve të mjeteve të pajisura me targat “PR”, “KM”, “PZ”, “GL”, “UR”, “PE”, “DA” apo “ĐA”, do t’iu ndalohet qarkullimi me to, transmeton Klankosova.tv
The post Rashiq: Vendimi i Qeverisë për targat vjen pas kërkesave të shumta të qytetarëve në veri appeared first on Klan Kosova.
