Ministri i Punëve të Brendshme, Xhelal Sveçla, është takuar me homologun e tij kroat, Davor Bozhinoviq.
Sveçla e Bozhinoviq folën për situatën e sigurisë dhe rreziqet e mundshme për destabilizimin e rajonit, ku fokus iu dha sulmeve të njëpasnjëshme të strukturave kriminale të Serbisë ndaj institucioneve dhe zyrtarëve të policisë në veri, veçanërisht për sulmin terrorist në Banjskë ku mbeti i vrarë rreshteri Afrim Bunjaku.
“E njoftova për dëshmitë e institucioneve tona që tregojnë lidhjen dhe angazhimin direkt të Serbisë me të gjithë mekanizmat e saj në realizimin e këtij sulmi”, thuhet në njoftim, transmeton Klankosova.tv.
Më tej, bëhet e ditur se Sveçla dhe Bozhinoviq konstatuan se institucionet e të dyja vendeve kanë bashkëpunim të mirë, teksa u dakorduan për thellim të mëtejmë të raporteve mes dy vendeve.
The post Sveçla takon homologun kroat: E njoftova për dëshmitë që tregojnë lidhjen e Serbisë në sulmin e Banjksës appeared first on Klan Kosova.
