Forcat e Mbrojtjes të Izraelit kanë lëshuar atë që quhet “udhëzime urgjente” për njerëzit në Gaza për ato që thotë se janë rrugë të sigurta në mes të luftimeve të intensifikuara pranë qytetit Khan Younis në jug të Gazës.
IDF tha se luftimet dhe avancimi i forcave izraelite në zonën Khan Younis nënkuptonin që civilët nuk mund të përdornin aksin kryesor Salah Al-Din që shkon nga veriu në jug e deri në mes të Gazës, shkruan CNN, transmeton Klankosova.tv.
Në vend të kësaj, IDF tha se do të lejojë lëvizjen humanitare përmes një rruge të veçantë në perëndim të Khan Younis, përgjatë rrugës bregdetare, duke lejuar hyrjen në pjesë të qendrës së Gazës, duke përfshirë Deir Al-Balah, për të cilën OKB thotë se është e mbipopulluar me njerëz të zhvendosur.
IDF njoftoi gjithashtu një “pezullim taktik të aktiviteteve ushtarake” katër orëshe në kampin Rafah në jug për të lejuar furnizimin humanitar.
The post IDF udhëzon njerëzit në Gaza që të përdorin rrugën bregdetare në mes të luftimeve në Khan Younis appeared first on Klan Kosova.
