Një burrë 81-vjeçar nga Teksasi i ShBA-së, i cili mori certifikatën e trajnimit personal në moshën 73-vjeçare, është emëruar instruktori më i vjetër i fitnesit në botë.
Tim Minnick, i cili jep mësime të shumta çdo ditë në palestrën Gold’s në Austin, mori titullin e rekordeve botërore Guinness nga 65-vjeçarja nga Kalifornia, Wendy Ida.
Minnick filloi të punojë si instruktor pasi mori certifikimin e tij nga Akademia Kombëtare e Mjekësisë Sportive. Ai tha se po kërkonte diçka për ta mbajtur aktiv pas vdekjes së gruas.
“Doja të bëja diçka që të mund të ndjeja sikur po jap një kontribut për dikë”, tha ai.
Minnick shtoi se ai u mëson studentëve të të gjitha moshave, por shumica e tyre janë mbi 50 vjeç dhe më i moshuari është 95 vjeç.
“Ne fillojmë të humbasim muskujt kur jemi 35 vjeç ose më shumë. Nëse nuk veproni për ta vazhduar këtë, kur të arrini në 75, nuk jeni në formë të mirë,” tha ai. “Është njësoj si të blesh një policë sigurimi, për mendimin tim – Sigurim kundër dështimit teksa rritesh”.
The post 81-vjeçari shpallet instruktori më i vjetër në botë i fitnesit (VIDEO) appeared first on Klan Kosova.
