Një përleshje mes disa nxënësve të Gjimnazit “Hajdar Dushi” në Gjakovë, u raportua se ka ndodhur gjatë ditës së sotme.
Rastin e ka konfirmuar edhe policia, përmes zëdhënësit Sheremet Elezaj.
Elezaj tha për Klankosova.tv se organet e rendit janë njoftuar rreth ngjarjes nga Spitali Rajonal.
Elezaj tha se janë në kërkim të të dyshuarve të përfshirë në rast.
“Një person mashkull i mitur ishte duke u trajtuar për shkak të disa lëndimeve të lehta trupore. Policia menjëherë ju ka përgjigjur rastit dhe nga hetimet e para dyshohet se i njejti ishte përfshirë në një përleshje fizike në rrugën “UÇK”. Aktualisht jemi të angazhuar në kërkim të të dyshuarve. Lidhur me rastin është kontaktuar prokurorit i shtetit, me vendimin e të cilit është inicuar rast “Lëndim i lehtë trupor”, tha ai për Klankosova.tv
Nuk dihen detaje akoma se cila ka qenë arsyeja e këtij konflikti.
The post Gjakovë: Përleshje mes disa nxënësve, lëndohet një person appeared first on Klan Kosova.
