West Ham ka njoftuar nënshkrimin e kapitenit të Wolves Max Kilman për 40 milionë funte (mbi 47 milionë euro).
Hammers patën një ofertë prej 25 milionë funtesh (afër 30 milionë euro) të refuzuar më herët gjatë verës, por u kthyen me një ofertë më të lartë, që besohet të jetë me vlerë rreth 40 milionë funte.
Kilman tha për faqen zyrtare të Hammers: “Është një ndjenjë e mahnitshme të jesh lojtar i West Ham United”.
“Sapo isha në dijeni të interesit nga klubi, ishte një mundësi që doja ta ndiqja, kështu që nuk mund të isha më i lumtur që isha këtu”, shtoi ai, raporton Onefootball.com, transmeton Klankosova.tv.
Drejtori teknik Tim Steidten shtoi: “Ne jemi të kënaqur që kemi siguruar nënshkrimin e Max – ai ishte një nga objektivat tanë kryesorë në zonën qendrore të mbrojtjes në këtë dritare transferimi”.
The post West Ham nënshkruan marrëveshje me Max Kilman për 47 milionë euro appeared first on Klan Kosova.
