Ka përfunduar restaurimi i kullës së Xhelë Hajdinit, e cila ndodhet në një peizazh të mrekullueshëm natyror, në fshatin Terziaj të Gjilanit.
Kështu ka bërë të ditur ministria e Kulturës në një postim në Facebook.
E ndërtuar në vitin 1947, kjo kullë dykatëshe ka pasur funksion të banimit, dhe tash si një aset i trashëgimisë kulturore, i ka shpëtuar shkatërrimit, shkruan Klankosova.tv.
Kulla e Xhelë Hajdinit, është e ndërtuar nga guri dhe druri, edhe tash pas restaurimit ka ruajtur konstruksion e mëhershëm të saj.
Restaurimi do të vazhdojë edhe në dy shtëpi të tjera të familjes Hajdini, që janë plot vlera arkitekturore dhe dëshmi të së kaluarës.
The post Përfundon restaurimi i kullës së Xhelë Hajdinit appeared first on Klan Kosova.
