Manchester City është gjobitur me më shumë se 2 milionë funte nga Premier Liga për shtyrjen e fillimit të ndeshjeve. Kampionët arritën një marrëveshje sanksioni me ligën për 22 akuza të veçanta, të gjitha të lidhura me dy sezonet e fundit.
City u gjykua se kishte shtyrë fillimin e pjesës së dytë të ndeshjes së tyre të fundit të sezonit të kaluar, fitoren ndaj West Hamit, me dy minuta e 46 sekonda në ditën kur ata fituan titullin e katërt radhazi.
Gjobat variojnë nga 10,000 deri në 200,000 funte, më e ulëta për shkeljen e parë dhe më e larta si rezultat i ndeshjes nda West Hamit, përcjellë KosovaPress.
18 nga incidentet kanë të bëjnë me rifillimin pas pushimit, me vonesë dhe fillimin e vonshëm për një ndeshje, atë kundër Newcastle United gushtin e kaluar.
City pranoi vendimin e Premier Ligës, i cili u ratifikua nga një panel i pavarur prej tre personash. Pagesa duhet të bëhet brenda 14 ditëve nga ekzekutimi i kësaj marrëveshjeje sanksioni
