Nënkryetari i Kuvendit nga radha e Partisë Demokratike e Kosovës, Enver Hoxhaj, ka përkujtuar në 12-vjetorin e vdekjes, politikanin Arbën Xhaferin.
Hoxhaj, përmes një postimi në Facebook, thotë se Xhaferi ia kushtoi jetën kombit shqiptar, modernizimit të shoqërisë, përmes veprimit politik dhe reflektimit intelektual, duke avancuar pozitën politike të shqiptarëve në Maqedoninë Veriore dhe ndihmuar në formësimin e identitetin evropian të shqiptarëve kudo në Balkan në tri dekadat e fundit, përcjell Klankosova.tv.
“Sot, kujtojmë politikanin vizionar dhe riliandasin e fundit kombëtar, Arbën Xhaferin, në përvjetorin e 12 të vdekjes së tij. Ai ia kushtoi jetën kombit shqiptar, modernizimit të shoqërisë, përmes veprimit politik dhe reflektimit intelektual, duke avancuar pozitën politike të shqiptarëve në Maqedoninë Veriore dhe ndihmuar në formësimin e identitetin evropian të shqiptarëve kudo në Ballkan në tri dekadat e fundit”, shkroi Hoxhaj.
The post Hoxhaj kujton Xhaferin në 12-vjetorin e vdekjes: Jetën ia kushtoi kombit shqiptar appeared first on Klan Kosova.
