Policia e Kosovës e ka kërkuar ndihmën e qytetarëve në arrestimin e tre të dyshuarve për vjedhje të cilëve ua ka publikuar fotografitë.
“Sektori i hetimeve të Kryeqytetit, me autorizime nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personave që shihen në fotografi”, thuhet në postimin e PK-së në Facebook.
“Personat e dyshuar kërkohen për përfshirje në dy raste të ndara të vjedhjeve të rënda që kanë ndodhë në kryeqytet”.
“Të nderuar, për çdo informatë që mund të çojë në identifikimin e personave apo vendodhjes së tyre, kontaktoni policinë në numrin e telefonit: 192”.
The post Policia kërkon ndihmën e qytetarëve për t’i kapur të dyshuarit për dy vjedhje të rënda appeared first on Klan Kosova.
