Letra e Komandantit të FSK-së, Gjeneral Bashkim Jashari drejtuar ministrit të Mbrojtjes, Ejup Maqedonci, e shkruar më 7 tetor, ka ngjallur jo pak reagime.
Ndonëse në opinion doli kjo letër para disa ditësh, Klan Kosova e ka siguruar atë të plotë.
Shqetësimi kryesor që Jashari ia shpreh Maqedoncit, është rekrutimi i stafit mbështetës për kuzhina.
Madje, thuhet se në rast të mos angazhimit me kohë të këtij stafi nga ana e Ministrisë së Mbrojtjes, “FSK do të detyrohet që të ndërpresë përgatitjen dhe ofrimin e shërbimit të rregullt të ushqimit”.
“Siç jeni njoftuar paraprakisht, FSK është në procesin e validimit të Regjimentit të Dytë të Këmbësorisë dhje të njësive të tjera, të parapara me Planin Gjithëpërfshirës të Tranzicionit (PGJT). Njëkohësisht, vazhdojnë të realizohen edhe detyrat operacionale, kurset zhvillimore, stërvitjet fushore dhe aktivitetet tjera, konform Planit Vjetor”.
“Nëse MM nuk do të mund të realizojë me kohë rekrutimin e stafit mbështetës për kuzhina, FSK do të detyrohet që të ndërpresë përgatitjen dhe ofrimin e shërbimit të rregullt të ushqimit. Kjo situatë e krijuar do të na detyronte që FSK të ndërpresë të gjitha aktivitetet e planifikuara, përpos shërbimit të rojës dhe shërbimeve tjera që janë në operacione dhe gatishmëri”, thuhet ndër të tjera në këtë dokument që u publikua për herë të parë i plotë në Ingo Magazine të Klan Kosovës.
Ndiqeni më poshtë diskutimin mbi këtë çështje dhe publikimin e dokumenteve tjera ekskluzive për çështjen e ushqimit për ushtarët e Kosovës:
The post Shqetësimi kryesor i Gjeneral Jasharit në letrën drejtuar ministrit Maqedonci appeared first on Klan Kosova.
