Gjykata Speciale vazhdon të mos i lejojë ish-presidentit Hashim Thaçi, ta vizitojë babain e tij që po kalon gjendje të rëndë shëndetësore.
Klan Kosova pati mundësi të qëndrojë në të njëjtën dhomë me Haxhi Thaçin, të enjten dhe të flasë me të afërmit e tij.
Këta të fundit, ofruan raporte mjekësore sipas të cilave, i moshuari, vetëm gjatë muajit shkurt, ka pësuar 3 sulme në tru, krahas problemit me mushkëritë për të cilin është trajtuar në janar.
Pavarësisht se zhvillimet e fundit flsi diçka krejt të kundërt me atë që thuhet në vendimet e gjyqtarëve të Speciales.
Arsyetimi i Dhomave të Specializuara, për të mos i dhënë leje të birit të tij, ta vizitojë të atin, u bë me pretekstin se gjendja e babait të të akuzuarit, është përmirësuar.
Këtë frazë, gjyqtarja e procedurës paraprake Marjorie Masselot nuk e hoqi as nga vendimi i rishikuar të cilin veç e pati dhënë para 2 javësh, direkt pas refuzimit të Charles Smith.
Marjorie Masselot, gjyqtare e procedurës paraprake
Gjyqtarja e procedurës paraprake vëren se (i) ai është liruar nga spitali [e redaktuar], më [e redaktuar] shkurt 2025 dhe (ii) është e qartë se krahas raporteve mjekësore shtesë që janë dorëzuar nga mbrojtja e Thaçit, të datës [e redaktuar] shkurt 2025, derisa [e redaktuar] e tij, nuk ka asgjë që paralajmëron se gjendja e tij shëndetësore, në këtë kohë, është në krizë apo rrezik për jetë.
Ish lideri i UÇK-së, Qeverisë e Presidencës së Kosovës, nuk pati mundësi vizite as vetëm disaorëshe dhe brenda një dite, me arsyetimin se ai ka pasur mundësi t‘i vizitojë nënën e babanë në maj dhe shtator 2023.
Të dy, sipas Speciales, kanë pasur shëndet sa ta takojnë të birin në paraburgim, gjatë 2024-ës.
Për më shumë, ndiqeni kronikën e gazetares, Rina Mujku.
The post Specialja vazhdon të mos e lejojë Hashim Thaçin ta vizitojë babain e sëmurë appeared first on Klan Kosova.
