Kryeministri i Kosovës dhe njëherësh kryetar i Lëvizjes Vetëvendosje, Albin Kurti, do të qëndrojë sot në Prizren, ku do të prezantojë kandidatët e kësaj partie për deputetë në zgjedhjet e ardhshme parlamentare.
Takimi me qytetarët dhe simpatizantët pritet të shërbejë si platformë për shpalosjen e vizionit politik dhe prioriteteve të Vetëvendosjes, si dhe për prezantimin e ekipit që do të garojë për përfaqësim në Kuvendin e Kosovës.
Nga partia kanë bërë të ditur se aktiviteti është pjesë e angazhimeve elektorale dhe synon mobilizimin e mbështetësve në rajonin e Prizrenit, duke theksuar rëndësinë e pjesëmarrjes qytetare në procesin zgjedhor.
