Prishtinë — Rreth 20 komisionerë të përfshirë në procesin zgjedhor nuk janë paraqitur për intervistim, pavarësisht ftesës zyrtare nga organet e drejtësisë, në kuadër të hetimeve për dyshime të manipulimit të votave.
Burime zyrtare bëjnë të ditur se Policia e Kosovës ka nisur kërkimin aktiv të tyre, me qëllim sigurimin e prezencës në procedurat hetimore. Mospërgjigjja ndaj ftesës konsiderohet pengesë serioze për ecurinë e hetimeve.
Deri më tani, dhjetëra komisionerë janë intervistuar, ndërsa hetimet po fokusohen në mospërputhjet e konstatuara gjatë rinumërimit të votave në disa qendra votimi. Prokuroria ka autorizuar mbledhjen e dokumentacionit zgjedhor dhe verifikimin e përgjegjësive individuale.
Autoritetet kanë theksuar se procesi do të vazhdojë pa kompromis dhe se të gjithë personat e përfshirë do të thirren për llogaridhënie, në funksion të garantimit të integritetit të procesit zgjedhor.
