Trajneri Mikel Arteta ka komentuar pritjen bravoroze të portierit David Raya të goditjes së Cole Palmerit të Chelseas.
Të Kaltrit ishin afër të barazonin në derbi në minutën e tretë shtesë por gardiani spanjoll ishte aty për t’i shpëtuar dhe për t’i mbajtur të forta gjasat për titull.
“Zemra pothuajse m’u ndal…duart e David Rayas ishin aty që të më kthenin në jetë”, ka thënë Arteta për pritjen e Rayas.
Tani, Topçinjtë kanë sërish pesë pikë më shumë se Manchester City, por këta të fundit kanë një lojë më pak të luajtur.
