Golfisti legjendar amerikan, Tiger Woods, u përfshi në një aksident të rëndë trafiku të premten, më 27 mars.
Sipas RMC Sport, incidenti ndodhi në Ishullin Jupiter, rreth 150 kilometra në veri të Miamit. WPTV raportoi se kamerat kapën një SUV të përmbysur të shtrirë anash në një hendek. Deri më tani, nuk ka informacion zyrtar në lidhje me shëndetin e superyllit 50-vjeçar, transmeton Klankosova.tv
Policia lokale dhe Zyra e Sherifit të Qarkut Martin nuk kanë dhënë ende detaje rreth lëndimeve të atletit. Dihet vetëm se shërbimet e emergjencës mbërritën menjëherë në vendngjarje.
Ky nuk është incidenti i parë rrugor i Woods. Në vitin 2021, ai pësoi lëndime të rënda në këmbë në një aksident në Kaliforni, dhe në vitin 2017, ai u përball me akuza për drejtim të pakujdesshëm të mjetit. /Klankosova.tv
