Kancelari i Austrisë ka pritur në takim kryeministrin në detyrë të Kosovës, Albin Kurti, ku në fokus të diskutimeve kanë qenë zhvillimet politike në vend dhe procesi i dialogut.
Gjatë takimit, kancelari austriak ka theksuar rëndësinë e tejkalimit të krizës politike në Kosovë dhe nevojën për funksionalizimin e institucioneve, me qëllim garantimin e stabilitetit dhe avancimin e proceseve të rëndësishme shtetërore.
Po ashtu, është nënvizuar rëndësia e arritjes së progresit konkret në dialog, si një element kyç për stabilitetin rajonal dhe perspektivën evropiane.
Takimi vjen në një periudhë të rëndësishme politike për Kosovën, ndërsa partnerët ndërkombëtarë po bëjnë thirrje për bashkëpunim institucional dhe vazhdim të proceseve që lidhen me integrimin dhe zhvillimin e vendit.
