Njohësi i proceseve zgjedhore, Eugen Cakolli, ka vlerësuar se Lëvizja Vetëvendosje pritet të sigurojë mandatin e 53-të në përbërjen e re parlamentare, bazuar në trendet dhe rezultatet e deritanishme.
Sipas tij, ndërkohë që një mandat duket se po anon nga LVV-ja, gara për ulësen e fundit parlamentare mbetet jashtëzakonisht e ngushtë mes Partisë Demokratike të Kosovës (PDK) dhe Lidhjes Demokratike të Kosovës (LDK).
Cakolli ka theksuar se numërimi i votave të mbetura dhe përllogaritjet përfundimtare mund të jenë vendimtare për përcaktimin e mandatit të fundit, duke e bërë procesin një nga më interesantët e kësaj gare zgjedhore.
Rezultatet përfundimtare dhe shpërndarja e mandateve pritet të qartësohen pas përmbylljes së të gjitha procedurave të numërimit dhe verifikimit.
