Pesë persona kanë humbur jetën pas një sulmi me armë zjarri në qytetin Stade, në veri të Gjermanisë, ndërsa policia ka arrestuar personin e dyshuar për ngjarjen.
Sipas autoriteteve, forcat e rendit ndërhynë menjëherë pas raportimit të incidentit, duke zhvilluar një operacion që përfundoi me arrestimin e të dyshuarit dhe sigurimin e zonës.
Hetuesit janë duke punuar për të zbardhur motivin dhe rrethanat e sulmit, ndërsa deri më tani nuk janë bërë publike detaje të tjera mbi identitetin e viktimave apo arsyet e mundshme të ngjarjes.
Policia gjermane ka njoftuar se hetimet po vazhdojnë dhe pritet të japë më shumë informacion pasi të përfundojnë veprimet e para hetimore.
