Një ngjarje e pazakontë është raportuar në Angli, ku një pilot gjatë një fluturimi provë shkroi mesazhin “Jam mërzitur”, duke tërhequr vëmendjen e eprorëve të tij.
Sipas raportimeve, mesazhi u vu re gjatë monitorimit të fluturimit, ndërsa shefi i pilotit vendosi të reagojë në një mënyrë të pazakontë, duke i dhënë disa ditë pushimi.
Rasti ka ngjallur reagime dhe komente në rrjetet sociale, ku shumë e kanë parë si një situatë humoristike, ndërsa të tjerë kanë theksuar rëndësinë e mirëqenies mendore dhe menaxhimit të lodhjes në profesionet me përgjegjësi të lartë.
Ngjarja është bërë virale në mediat britanike, duke u kthyer në një nga historitë më të veçanta të ditëve të fundit.
