Spanja po përballet me zjarrin më të madh të këtij viti, i cili ka përfshirë një sipërfaqe prej rreth 12 mijë hektarësh, duke detyruar autoritetet të evakuojnë gjashtë fshatra për shkak të rrezikut të përhapjes së flakëve.
Sipas autoriteteve spanjolle, zjarri është favorizuar nga temperaturat e larta, era e fortë dhe thatësira, duke e bërë të vështirë ndërhyrjen e ekipeve zjarrfikëse.
Qindra zjarrfikës, të mbështetur nga mjete ajrore dhe forca të emergjencës, janë angazhuar në terren për të vënë nën kontroll flakët dhe për të mbrojtur banorët dhe pronat e tyre.
Autoritetet kanë bërë thirrje për kujdes maksimal, ndërsa operacionet për shuarjen e zjarrit dhe vlerësimin e dëmeve po vazhdojnë.
