Një ngjarje e rëndë është raportuar mbrëmjen e së dielës, më 25 tetor, në fshatin Vitomiricë të Pejës, ku një grua dyshohet se është vrarë nga kunati i saj.
Sipas informacioneve fillestare, ngjarja dyshohet se ka ndodhur brenda një shtëpie, ndërsa viktima raportohet se është goditur me një mjet të fortë.
Rrethanat në të cilat ka ndodhur rasti mbeten ende të paqarta. Nuk dihet se çfarë ka çuar deri te ngjarja dhe nëse personi i dyshuar është arrestuar.
Deri më tani, nuk është siguruar një konfirmim zyrtar nga Policia e Kosovës apo Prokuroria për identitetin e viktimës, moshën e saj dhe mënyrën se si ka ndodhur vdekja.
Informacionet për lidhjen familjare ndërmjet viktimës dhe të dyshuarit, si dhe për përdorimin e një mjeti të fortë, bazohen në raportimin fillestar dhe mbeten për t’u konfirmuar nga autoritetet.
