Azerbajxhani tha se masat e saj ushtarake në Nagorno-Karabakh po vazhdojnë për të dytën ditë pasi nisi të martën operacione siç i quajti “anti-terroriste” në zonë.
Ky vend tha se nuk do të ndalet derisa “separatistët etnikë armenë” të dorëzohen.
Tensionet në Kaukazin e Jugut kanë qenë të larta për muaj të tërë rreth enklavës së shkëputur, e njohur ndërkombëtarisht si pjesë e Azerbajxhanit.
Azerbajxhani dhe Armenia shkuan në luftë për herë të fundit tre vjet më parë.
Në një deklaratë të mërkurën në mëngjes, ministria e mbrojtjes e Azerbajxhanit tha se pajisjet ushtarake që i përkisnin forcave të armatosura armene ishin “neutralizuar”, duke përfshirë automjete ushtarake, artileri dhe instalime raketash kundërajrore.
Të martën, Baku urdhëroi “formacionet ilegale ushtarake armene” të dorëzonin armët dhe të shpërndanin “regjimin e tyre të paligjshëm”, raporton BBC, transmeton Klankosova.tv.
Azerbajxhani dhe Armenia fillimisht hynë në luftë në fillim të viteve 1990 pas rënies së Bashkimit Sovjetik. Më pas, në vitin 2020, Azerbajxhani rimori zonat në dhe rreth Nagorno-Karabakh, përpara se të binte dakord për një armëpushim dhe të monitorohej nga paqeruajtësit rusë.
The post Azerbajxhani në ditën e dytë të operacionit kundër Nagorno-Karabakut, kërkon dorëzim appeared first on Klan Kosova.
