Institucioni i Presidencës së Kosovës është vlerësuar si institucioni me të cilin qytetarët janë më së shumti të kënaqur.
Kështu kanë thënë të dhënat e publikuara nga raporti i UNDP-së i Pulsit Publik.
Këshilltari për media i presidentes Vjosa Osmani, Bekim Kupina, ka thënë se pëlqyeshmëria me punën e presidentes është më e larta në historinë e këtij institucioni.
“Kënaqshmëria e qytetarëve të Kosovës me punën e Presidentes Osmani, sipas rezultateve të edicionit të 26-të të Përmbledhjes së Pulsit Publik UNDP-së, është 69 %. Kjo përqindje është më e larta ndonjëherë në historinë e institucionit të Presidencës”.
“Lidership, vizion, përkushtim, gardiane e interesit qytetar e shtetëror dhe e aleancave, përfaqësuese e denjë shtetërore”, ka thënë Kupina.
Programi i Kombeve të Bashkuara për Zhvillim (UNDP) në Kosovë, të enjten ka publikuar edicionin e 26-të të Përmbledhjes së Pulsit Publik. /Klankosova.tv
The post Kupina: Pëlqyeshmëria me punën e Presidentes Osmani, më e larta në historinë e këtij institucioni appeared first on Klan Kosova.
