Skuadra e Superligës zvicerane, Lugano, e ka mposhtur Partizanin e Serbisë në Beograd me rezultat minimal 0-1 në kuadër të kualifikimeve për Europa Ligë.
Zviceranët ishin më të mirë gjatë gjithë ndeshjes, duke rrezikuar portën kundërshtare në disa raste, mirëpo goli erdhi vetëm në minutën e 73-të përmes mbrojtësit Mattia Zanotti.
Mirëpo, çka vlen të përmendet në këtë rast është asistuesi: Shkëlqim Vladi, i cili u inkuadrua në lojë vetëm pesë minuta më parë.
Skuadra nga Ticino, me këtë rezultat, po shpreson për një kualifikim në Europa Ligë, pasi ndeshjen e kthimit zviceranët e luajnë në shtëpi javën tjetër.
Kush është Shkëlqim Vladi?
23-vjeçari Vladi ka lindur në Zvicër por vjen nga Kosova, ndërsa ka zgjedhur ta përfaqësojë pikërisht vendin e tij të prejardhjes në arenën ndërkombëtare.
Sipas Wikipedia, më 16 shtator 2022, Vladi mori një ftesë nga Kosova për ndeshjet e UEFA Nations League 2022–23 kundër Irlandës së Veriut dhe Qipros, por për shkak të lëndimit, nuk mundi të ishte pjesë e ekipit kombëtar. Më 6 tetor 2023, ai mori sërish ftesë nga Kosova për ndeshjet kualifikuese të UEFA Euro 2024 kundër Andorrës dhe Izraelit, por për shkak të lëndimit nuk mundi të ishte sërish pjesë e kombëtares. /Klankosova.tv
The post Shkëlqim Vladi asiston në fitoren e Luganos kundër Partizanit në Beograd appeared first on Klan Kosova.
