Një person ka mbetur i vdekur si pasojë e një aksidenti në Komoran.
Lajmin për Dukagjinin e ka konfirmuar zëdhënësja e policisë, Flora Ahmeti për rajonin e Prishtinës.
Siç njofton Ahmeti, aksidenti ka nodhur sot rreth orës 13:30, në këtë aksident kanë qenë të përfshira një motoçikletë dhe dy automjete në lëvizje, ku motoçiklisti si pasojë e lëndimeve ka humbur jetën.
“Sot rreth orës 13:30 kemi pranuar informatën se në rrugën “Nazmi Gashi ” në Komoran, ka ndodhur një aksident trafiku me pasoja fatale. Në këtë aksident, kanë qenë të përfshira, një motoçikletë dhe dy automjete në lëvizje,” ka thënë Ahmeti.
“Si pasojë e aksidentit, lëndime të rënda trupore ka pësuar motoçiklisti, i cili nuk ka arritë të përballojë plagët dhe i njëjti ka ndërruar jetë .Vdekjen e tij e ka konstatuar ekipi mjekësor në vendngjarje.”
Teksa njofton se policia ka nisur një hetim për zbardhjen e rrethanave që kanë çuar deri te ky aksident trafiku.
