Ish-mbrojtësi i Real Madridit dhe aktualisht trajner i klubit, Álvaro Arbeloa, ka vlerësuar maksimalisht portierin belg Thibaut Courtois, duke e cilësuar atë si më të mirin në botë dhe në historinë e klubit madrilen.
Arbeloa theksoi se paraqitjet e Courtois kanë qenë vendimtare për sukseset e skuadrës dhe se niveli që ai ka treguar ndër vite e vendos në një kategori të veçantë mes portierëve të Real Madridit.
Sipas tij, portieri belg jo vetëm që është aktualisht më i miri në botë në rolin e tij, por edhe portieri më i mirë që ka pasur ndonjëherë Real Madrid.
Courtois është një nga figurat kryesore të skuadrës madrilene në vitet e fundit, duke qenë vendimtar në shumë ndeshje të mëdha, sidomos në garat evropiane.
Për këtë arsye, Arbeloa beson se ndikimi dhe niveli i tij e bëjnë atë portierin më të mirë në historinë e klubit. /Klankosova.tv
