Kombëtarja e Kosovës ka arritur të barazojë rezultatin ndaj Sllovakisë falë një supergoli të shënuar nga Veldin Hoxha, duke rikthyer shpresat për një rezultat pozitiv në ndeshjen e rëndësishme të play-off-it për Kupën e Botës 2026.
Goli erdhi pas një goditjeje të fuqishme nga distanca, ku mesfushori kosovar dërgoi topin në rrjetë dhe elektrizoi atmosferën për “Dardanët”.
Sllovakia kishte kaluar fillimisht në epërsi herët në ndeshje, por reagimi i shpejtë i Kosovës tregoi karakter dhe vendosmëri për të vazhduar luftën drejt një rezultati pozitiv në këtë përballje vendimtare.
Ndeshja ndaj Sllovakisë konsiderohet shumë e rëndësishme për rrugëtimin e Kosovës drejt një kualifikimi historik në Kampionatin Botëror 2026, që do të mbahet në SHBA, Kanada dhe Meksikë.
Veldin Hoxha, i cili aktualisht aktivizohet te Rubin Kazan, është një nga lojtarët që i është bashkuar së fundmi Kombëtares së Kosovës dhe po kontribuon në objektivin për sukses ndërkombëtar.
