Presidenti rus, Vladimir Putin, u përfshi në një situatë të sikletshme gjatë një takimi zyrtar në Kremlin, pasi kryeministri armen, Nikol Pashinyan, foli hapur për rëndësinë e zgjedhjeve të lira dhe qasjes së pakufizuar në rrjetet sociale.
Gjatë takimit, Pashinyan theksoi se Armenia është një shtet demokratik, ku zgjedhjet zhvillohen rregullisht dhe me pjesëmarrje aktive të qytetarëve.
Sipas pamjeve të publikuara, Putin dukej i sikletosur, duke shikuar poshtë, lëvizur këmbët dhe prekur nervozisht duart gjatë deklaratave të homologut të tij, transmeton Klankosova.tv.
Pashinyan openly trolls Putin right in the Kremlin
“We have free social media, there are absolutely no restrictions,” boasted the Prime Minister of Armenia, with a clear reference to the totalitarian censorship in Russia.
Putin’s facial expression said it all.
Meanwhile, under… pic.twitter.com/bMSRXoD34u
— NEXTA (@nexta_tv) April 1, 2026
“Sa i përket proceseve tona politike të brendshme, Armenia është një vend demokratik. Tek ne zgjedhjet zhvillohen rregullisht dhe qytetarët votojnë lirshëm për ose kundër opsioneve politike”, tha Pashinyan. Ai shtoi se qytetarët ndikojnë drejtpërdrejt në zgjedhjen e pushtetit përmes zgjedhjeve parlamentare, duke theksuar se kjo është themeli i sistemit politik në vendin e tij.
Kryeministri armen gjithashtu foli për lirinë e internetit, duke e cilësuar atë plotësisht të pakufizuar në Armeni.
