Një aksident tragjik ka ndodhur në zonën turistike të Prevallës, ku një turist amerikan ka humbur jetën pasi është vetaksidentuar me një motoçikletë katër rrotëshe (ATV).
Sipas informacioneve fillestare, viktima ishte duke lëvizur në një rrugë malore kur ka humbur kontrollin mbi mjetin, duke pësuar lëndime fatale. Pavarësisht ndërhyrjes së shpejtë të shërbimeve emergjente, ai nuk arriti t’u mbijetojë plagëve të marra.
Autoritetet përkatëse kanë dalë në vendin e ngjarjes dhe kanë nisur hetimet për të sqaruar rrethanat e plota të aksidentit. Prevallë është një nga destinacionet më të frekuentuara turistike, veçanërisht për aktivitetet malore dhe aventurat me mjete jashtë rrugës.
Rastet e tilla rikthejnë vëmendjen te rëndësia e respektimit të masave të sigurisë gjatë përdorimit të mjeteve rekreative, sidomos në terrene të vështira malore.
