Kryeministri i Kosovës, Albin Kurti, ka deklaruar në Kuvendin e Kosovës se vendi po nderon viktimat e krimeve të luftës dhe se drejtësia për krimet e kryera gjatë luftës duhet të vazhdojë të ndiqet me vendosmëri. Ai theksoi se përkujdesja për viktimat dhe mbijetuarit e dhunës seksuale gjatë luftës është obligim moral dhe institucional i shoqërisë kosovare.
Kurti në fjalimin e tij ka akuzuar Serbinë se vazhdon të shërbejë si strehë për fshehjen e personave të dyshuar për krime lufte dhe për mohimin e krimeve të kryera në Kosovë, duke theksuar se kjo pengon drejtësinë dhe pajtimin rajonal.
Ai gjithashtu ka nënvizuar rëndësinë e kujtesës kolektive dhe mbështetjes për viktimat, duke thënë se heshtja dhe stigma ndaj tyre duhet të thyhen përmes angazhimit institucional dhe shoqëror.
