Në Alpet Zvicerane po zhvillohet një nga eksperimentet më të avancuara në botë për studimin e tërmeteve, ku shkencëtarët po krijojnë qëllimisht mikrotërmete të kontrolluara në mjedis laboratorik nëntokësor për të kuptuar më mirë si lindin lëkundjet sizmike.
Sipas studiuesve të ETH Zurich, në laboratorin nëntokësor BedrettoLab, shkencëtarët kanë injektuar ujë në çarje shkëmbore për të stimuluar lëvizje të vogla në thellësi të tokës. Ky proces ka prodhuar mijëra lëkundje shumë të vogla, të cilat regjistrohen vetëm nga sensorët dhe nuk ndihen në sipërfaqe.
Eksperimenti nuk ka për qëllim krijimin e tërmeteve të rrezikshme, por studimin e mënyrës se si ato formohen natyrshëm. Shkencëtarët thonë se këto testime ndihmojnë në përmirësimin e parashikimit dhe uljen e rrezikut nga tërmetet reale në të ardhmen.
Sipas ekspertëve, çdo aktivitet është i monitoruar rreptësisht dhe i realizuar në kushte të sigurta, me ndikim minimal në mjedis dhe pa rrezik për popullatën.
