Agjencia e Ushqimit dhe Veterinarisë ka dalë me njoftim zyrtar lidhur me therjen e kurbanit për festën e Bajramit, duke sqaruar vendet dhe kushtet ku lejohet kryerja e kësaj praktike.
Sipas udhëzimeve, therja e kurbanit duhet të bëhet vetëm në hapësira të autorizuara dhe në përputhje me standardet veterinare dhe higjieno-sanitare, me qëllim të mbrojtjes së shëndetit publik dhe sigurisë ushqimore.
Institucionet u kanë bërë thirrje qytetarëve që të respektojnë rregullat dhe rekomandimet gjatë festës së Bajramit, ndërsa kontrollet pritet të intensifikohen gjatë kësaj periudhe.
