Kryeministri i Shqipërisë, Edi Rama, ka marrë pjesë në Ruhr Summit, ku ka folur për zhvillimet ekonomike dhe teknologjike në vend, duke e cilësuar Shqipërinë si një “laborator të vogël inteligjent” në Evropë.
Gjatë fjalimit të tij, Rama ka theksuar përpjekjet e qeverisë për të nxitur inovacionin, investimet dhe transformimin digjital të shërbimeve publike, duke e vendosur Shqipërinë në një rrugë drejt modernizimit ekonomik.
Ai është ndalur edhe te sfidat e rajonit dhe nevoja për bashkëpunim më të ngushtë mes vendeve evropiane në fushën e teknologjisë dhe ekonomisë.
Samiti në Ruhr ka mbledhur liderë politikë dhe përfaqësues të biznesit nga vende të ndryshme, me fokus zhvillimin ekonomik dhe inovacionin në Evropë.
