Debati publik mes fermerit dhe deputetes Adriana Matoshi ka vazhduar edhe më tej, pasi fermeri ka publikuar një dokument që, sipas tij, lidhet me rastin ku vajza e Matoshit ishte ndaluar nga autoritetet nën dyshimin për posedim të substancave narkotike.
Publikimi i dokumentit vjen pas përplasjes së fundit verbale në rrjetet sociale, ku fermeri kishte përdorur gjuhë fyese ndaj deputetes, duke e quajtur atë me një epitet denigrues.
Deri më tani nuk ka pasur një reagim të ri publik nga Adriana Matoshi lidhur me publikimin e dokumentit, ndërsa nuk dihet nëse çështja do të marrë edhe epilog ligjor.
Rasti ka ngjallur reagime të shumta në opinion, ndërsa autoritetet nuk kanë dhënë informacione të reja zyrtare lidhur me dokumentin e publikuar apo pretendimet e ngritura.
