Portreti i veprimtarit të shquar Adem Demaçi është vendosur në Zyrën e Presidentit të Kosovës, në një ceremoni që vlerëson figurën dhe kontributin e tij për lirinë, të drejtat e njeriut dhe shtetndërtimin e Kosovës.
Vendosja e portretit është cilësuar si një akt simbolik nderimi për jetën dhe veprën e Demaçit, i cili konsiderohet një nga personalitetet më të rëndësishme të historisë moderne të Kosovës.
Në ceremoni u theksua se Adem Demaçi mbetet simbol i rezistencës, sakrificës dhe angazhimit të palëkundur për liri dhe dinjitet, ndërsa trashëgimia e tij vazhdon të frymëzojë brezat e rinj.
Me këtë veprim, institucioni i Presidencës riafirmon respektin ndaj figurave që kanë lënë gjurmë të pashlyeshme në historinë dhe rrugëtimin e Kosovës drejt lirisë dhe pavarësisë.
