Komisioni Qendror i Zgjedhjeve (KQZ) ka certifikuar rezultatet përfundimtare të zgjedhjeve, duke hapur rrugën për konstituimin e legjislaturës së re të Kuvendit të Kosovës.
Me certifikimin e rezultateve janë bërë zyrtarë edhe 120 deputetët e rinj që do të përfaqësojnë qytetarët në përbërjen e re të Kuvendit. Mandatet janë ndarë në bazë të rezultateve të certifikuara dhe dispozitave të legjislacionit zgjedhor.
Certifikimi i rezultateve shënon përfundimin e procesit zgjedhor dhe krijon bazën ligjore për hapat e ardhshëm institucionalë, përfshirë thirrjen e seancës konstituive të Kuvendit dhe nisjen e procedurave për formimin e institucioneve të reja.
Lista e plotë e deputetëve të zgjedhur është publikuar nga KQZ dhe përfshin përfaqësuesit e të gjitha subjekteve politike që kanë siguruar ulëse në Kuvendin e Kosovës.
