Danimarka ka reaguar ndaj deklaratave të presidentit amerikan Donald Trump lidhur me Groenlandën, duke theksuar se do të mbrojë “çdo centimetër” të territorit të saj.
Zyrtarët danezë ritheksuan përkushtimin për sovranitetin dhe integritetin territorial të Mbretërisë së Danimarkës, duke nënvizuar se Groenlanda është pjesë e saj dhe se çdo çështje që lidhet me territorin do të trajtohet në përputhje me të drejtën ndërkombëtare.
Reagimi vjen pas komenteve të Trumpit që rikthyen në vëmendje debatet rreth Groenlandës, një territor autonom brenda Mbretërisë së Danimarkës, me rëndësi të madhe strategjike dhe gjeopolitike.
Autoritetet daneze kanë bërë të ditur se mbeten të përkushtuara ndaj bashkëpunimit me aleatët e NATO-s, duke theksuar njëkohësisht se sovraniteti i vendit nuk vihet në diskutim.
