Katër persona kanë mbetur të lënduar si pasojë e një aksidenti trafiku që ka ndodhur në fshatin Shupkovc të Mitrovicës, ku janë përfshirë dy vetura.
Sipas informacioneve paraprake, ekipet e emergjencës dhe Policia e Kosovës kanë dalë menjëherë në vendin e ngjarjes për të ofruar ndihmën e nevojshme dhe për të menaxhuar situatën.
Të lënduarit janë dërguar për trajtim mjekësor, ndërsa gjendja e tyre shëndetësore nuk është bërë e ditur deri më tani.
Njësitet kompetente kanë nisur hetimet për të sqaruar shkaqet dhe rrethanat që çuan deri te aksidenti, ndërsa qarkullimi në zonë është zhvilluar me kujdes gjatë intervenimit të autoriteteve.
