Inspektorati Qendror i Punës (IQP) ka dhënë detaje lidhur me rastin e vdekjes së 62-vjeçarit në Prizren, duke sqaruar se viktima nuk ishte punëtor i kompanisë ku ndodhi ngjarja.
Sipas IQP-së, 62-vjeçari ishte duke punuar te vëllai i tij në momentin e incidentit, ndërsa rrethanat e plota të rastit janë ende objekt i hetimeve nga autoritetet kompetente.
Institucioni ka bërë të ditur se inspektorët kanë dalë në vendin e ngjarjes dhe kanë ndërmarrë veprimet e nevojshme për të dokumentuar rastin dhe për të verifikuar respektimin e dispozitave ligjore.
Ndërkohë, hetimet për zbardhjen e plotë të shkaqeve të vdekjes dhe përgjegjësive eventuale janë duke vazhduar.
