Kryeministri i Shqipërisë, Edi Rama, ka uruar Albin Kurtin pas zgjedhjes së tij në pozitën e kryeministrit të Kosovës.
Përmes një reagimi, Rama i ka dërguar urime Kurtit për marrjen e mandatit të ri, duke e ftuar njëkohësisht për një vizitë zyrtare në Shqipëri.
Në mesazhin e tij, kryeministri shqiptar ka shprehur gatishmërinë për të vazhduar bashkëpunimin mes Kosovës dhe Shqipërisë, ndërsa ka bërë edhe një kërkesë lidhur me marrëdhëniet mes dy vendeve.
Ftesa e Ramës vjen pas formimit të institucioneve të reja në Kosovë dhe zgjedhjes së Kurtit për të udhëhequr qeverinë e re.
Marrëdhëniet Kosovë–Shqipëri dhe bashkëpunimi ndërmjet dy qeverive kanë qenë vazhdimisht pjesë e debatit politik, veçanërisht për çështjet ekonomike, infrastrukturore dhe rajonale.
