Nënkryetari i Interit, Javier Zanetti, ka thënë se do të shmangte ballafaqimin me Real Madridin në finalen e Ligës së Kampionëve.
“Do të doja të shmangja Real Madridin sepse kjo garë duket e krijuar për ta”, tha Zanetti pas fishkëllimës së fundit në një intervistë për Sky Sport Italia.
“Megjithatë, gjëja më e rëndësishme është të kemi mbërritur këtu. Ishte një rrugë e vështirë, nuk është e lehtë të luash një derbi në gjysmëfinale. E bëra dhe u munda në vitin 2003”.
Lautaro Martinez shënoi golin e fitores martën dhe u shpall lojtari i ndeshjes nga UEFA.
“Jam shumë i lumtur për të”, tha Zanetti.
“Ai përmirësohet çdo vit me ne. Ai është një pikë referimi për ekipin dhe ne e mbajmë atë, sepse ai është shumë i rëndësishëm. Tani për tani, ai qëndron këtu, pastaj do të shohim. Le ta shijojmë këtë fitore. Ai është i lumtur këtu, ku ka gjetur shtëpinë e tij. Ai është i lumtur në Milano dhe shpresoj se do të qëndrojë shumë”.
The post Zanetti e do Cityn në vend të Realit në finale appeared first on Klan Kosova.
