Rumania është mysafire e Kosovës në stadiumin “Fadil Vokrri”.
Verdhekaltrit janë duke i bërë nikoqirllëk, këtij vendi, që është një nga pesë anëtarët e Bashkimit Evropian që nuk e njeh pavarësinë e Kosovës.
Por është deputeti nga partia “Reper”, Dragosh-Catalin Tenita, ai i cili dy javë më parë ka mbajtur një fjalim në Kuvendin e Rumanisë, ku ka kërkuar që të ndodhë kjo njohje, përcjell KlanKosova.tv.
Argumenti i parë i tij ka qenë se Kosovën e njohin si të mëvetshme 21 anëtarët tjerë të BE-së, por edhe shtete të fuqishme si ShBA-ja, Kanadaja e Japonia.
Më tej Tenita ka thënë se njohja nga Rumania mund të kontribuojë në stabilitetin rajonal e mandej edhe që do të ishte në hap me vendimet dhe politikat evropian.
Për të njohja nga Bukureshti do të kishte edhe avantazhe diplomatike, por edhe në tregti, bashkëpunim rajonal si dhe në fushën e sigurisë.
*Klikoni KËTU për t’u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
The post Deputeti rumun kërkon njohjen e Kosovës me fjalim në kuvendin e këtij shteti appeared first on Klan Kosova.
